Conseyu Soberanu d'Asturies y Lleón: 84 años de la declaración d'independencia

El 24 d'agostu del 1937 roblóse en Xixón, na nomada 'Casa Blanca', el decretu qu’afitaba la soberanía de los territorios alministraos pol Conseyu Interprovincial d'Asturies y Lleón, entrando en vigor un día depués y espublizándose na prensa’l 26 d’agostu.

L'aisllamientu que vivía'l país tres la toma de los nacionales de los territorios vecinos nel marcu de la Guerra Civil llevó a los republicanos asturianos a dar esti pasu. El Conseyu Soberanu d'Asturies y Lleón entraría en vigor un día depués de la firma del decretu, espublizándose en prensa la noticia'l día 26.

Toles organizaciones polítiques y sindicales del bandu republicanu n’Asturies taben representaes nesti Gobiernu, presidíu por Belarmino Tomás, qu'emitió moneda y sellos propios y llegó a unviar un telegrama a la Sociedá de Naciones, aición esta última que foi'l principal principal motivu de resquiebra col Gobiernu de la República con sede naquel momentu en València. El PCE, sobre manera, y tamién dirixentes de les Xuventúes Socialistes Unificaes (JSU) y Izquierda Republicana criticaron la declaración unillateral d'independencia de 24 d'agostu.

El Conseyu Soberanu d'Asturies y Lleón tuvo activu hasta'l 21 d'ochobre, cuando les tropes nacionales entraron en Xixón y Avilés. Un día enantes, celebraba'l so aconceyamientu caberu.

Dende Asturies.com recordamos esta fecha con estos artículos de la nuesa hemeroteca:

• 1937, cuando'l gobiernu asturianu declaró la soberanía
• La composición del Gobiernu Soberanu
• El polémicu telegrama del Conseyu a la Sociedá de Naciones
• La prensa americana anunciaba hai 81 años la creación d'un "estáu asturianu"​

Na semeya, Belarmino Tomás nel Muelle de Xixón pasando revista a les tropes. Semeya de Constantino Suárez.