Concursu de cuentos en Bimenes

El Conceyu Bimenes t’acabante de convocar el XX Concursu de Cuentos pola Oficialidá del Asturianu. El plazu pa la presentación de trabayos fina’l 31 d’ochobre.

Los cuentos que se presenten al certame entamáu pol Conceyu de Bimenes han de tar redactaos en llingua asturiana y nun pasar de les diez fueyes, mecanografiaes a doble espaciu y per una sóla cara. El plazu pa la presentación de trabayos fina’l 31 d’ochobre y l’apertura pliques tendrá llugar el 1 d’avientu, día nel que tamién se dará anuncia de la fecha d’entrega premios. L’importe económicu de los mesmos ye: 600 € pal primeru, 450 € pal segundu y 300 € pal terceru.

Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Plaza de Miranda de l Douro, s/n. 33527 – Martimporra.

Ye de destacar el compromisu del Conceyu Bimenes en caltener esti certame lliterariu y l’esfuerzu qu’ello-y supón, yá qu’esta edición, como nes de los últimes años, nun cuenta con nengún sofitu económicu esternu.