Compromisu ve necesariu un "referente políticu" que dea respuesta a la situación grave del país
|
5 Febreru, 2013 por Pablo R. Guardado
- Inicie sesión o rexístrese pa espublizar comentarios
El conceyu últimu celebráu por Compromisu por Asturies afitó la necesidá de constituyir “un referente políticu” que dea respuesta a la situación del país. La federación de partíos va entamar alcuentros con coleutivos y asociaciones.
Nesta cita de la militancia consideróse que les bases sobre les que se podría asitiar esi referente políticu xunitariu deberíen de ser “la recuperación y conquista de la nuesa soberanía política, económica, social, ambiental, alimentaria y cultural” al traviés d'alcuerdos con distintes corrientes polítiques y sociales asturianes que defendan, ente otres posiciones, “l'adopción de midíes polítiques, económiques y sociales al serviciu de la mayoría de la población, la necesidá d'un nuevu procesu constituyente, el refugu a les polítiques d'axuste, la rexeneración democrática, los drechos democráticos y culturales, la defensa del mediuambiente y de los drechos de les muyeres, asina como la solidaridá activa colos pueblos del mundu”, según esplica Yolanda Huergo, vocera de Compromisu. Pa ello, propón como modelu de funcionamiento “fórmules de participación democrátiques y horizontales”.
Na resolución aprobada nel conceyu abiertu y fecha pública güei, Compromisu por Asturies manifiesta la so voluntá de “asitiar la consecución de la xunidá de toles persones, organizaciones y coleutivos que puedan compartir esta visión, nel oxetivu prioritariu inmediatu de la so aición política, calteniendo, pa ello, una actitú de diálogu abierta, sincera y ensin nengún tipu de condicionantes previos”.
Efrén d'Andrés
Lo + visto de la selmana
Comentarios
Compromisu establez como prioridá la busca "d'un referente políticu asturianu"
UVIÉU, 05 de FEbreru (EUROPA PRESS)
Compromisu por Asturies estableció ente les sos prioridaes la necesidá de crear un "referente políticu asturianu", motivu pol qu'entamára una ronda de contactos con diferentes organizaciones y colectivos.
Nuna nota de prensa, Yolanda Huergo, vocera de Compromisu por Asturies, anunció güei que la organización política asturiana va desenvolver una serie de contactos con distintes organizaciones y colectivos pa esplorar les posibilidaes esistentes d'avanzar nesa dirección. Nel recién conceyu abiertu de la organización realizáu va unes selmanes consideróse que les bases sobre les que podría asitiase esi referente políticu unitariu deberíen de ser "la recuperación y conquista de la nuesa soberanía política, económica, social, ambiental, alimentaria y cultural" al traviés d'alcuerdos con distintes corrientes polítiques y sociales asturianes que defendan, ente otres posiciones "l'adopción de midíes polítiques, económiques y sociales al serviciu de la mayoría de la población, la necesidá d'un nuevu procesu constituyente, el refugu a les polítiques d'axuste, la rexeneración democrática, los drechos democráticos y culturales, la defensa del mediuambiente y la defensa de los drechos de les muyeres, asina como la solidaridá activa colos pueblos del mundu", proponiendo como modelu de funcionamiento fórmules de participación democrátiques y horizontales.
Según Huergo, na resolución aprobada, Compromisu por Asturies manifiesta la so voluntá d'asitiar la consecución de la unidá de toles persones, organizaciones y colectivos que puedan compartir esta visión, nel oxetivu prioritariu inmediatu de la so acción política, calteniendo, pa ello, una actitú de diálogu abierta, sincera y ensin nengún tipu de condicionantes previos.
El comunicáu oficial de Compromisu por Asturies nun diz en nengún momentu que quiera constituyise como "refrente políticu", sinón que nel Conceyu Abiertu d'hai unes selmanes se decidió establecer como másima prioridá la necesidá de crear un "referente políticu asturianu", motivu pol qu'entamára una ronda de contactos con diferentes organizaciones y colectivos.