Comienza'l segundu turnu de visites guiaes a la esposición 'Voces'

|
Muséu Arqueolóxicu d'Asturies

Van tener llugar los sábados 24 de payares, y 1 y 15 d’avientu. La inscripción ye de baldre.

L'amuesa ‘Voces. La llingua n’Asturies al traviés de los sieglos’ coordinada por Xulio Viejo, responsable tamién de la parte académica xunto a Ramón d’Andrés y Roberto González-Quevedo, amplióse per segunda vegada y va tar abierta al públicu nel Muséu Arqueolóxicu d'Asturies hasta'l 23 d'avientu. Trátase d'una esposición conformada por paneles triangulares y un audiovisual, amás de pieces arqueolóxiques, llibros o discos, col que los visitantes pueden percorrer “la historia social del llinguaxe d’Asturies dende la prehistoria a l’actualidá” focalizada nel asturianu, según esplicó Viejo a Asturies.com.

Más de 4.000 persones pasaron pel Arqueolóxicu dende'l 26 de setiembre pa disfrutar de la esposición, que va contar con nueves visites guiaes de baldre n'asturianu. La primer d'elles va celebrase mañana al meudía, con otres previstes pal 1 y pal 15 d'avientu.

Pa participar ye necesario acutar plaza al traviés del númberu de teléfonu 985106741 o del corréu electrónicu splnormalizacion@asturias.org.

 

Contador Estadistiques