Comienza'l ciclu 'Poétiques' del programa Antón de Marirreguera con Xurde Fernández

|
Antón de Marirreguera

Va recitar composiciones propies nun actu presentáu por Pablo Texón y que cuenta col acompañamientu d'alumnes y alumnos de la Escuela de Música Miguel Barrosa.

Esta sesión ye la primera del 'Programa Cultural Antón de Marirreguera, Carreño ñeru de la pluma n'asturianu', qu'entama'l Conceyu de Carreño, tres la presentación celebrada la selmana pasada. Tamién lo ye del ciclu 'Poétiques', que tien l'envís de "dar conocer la poesía que se fai anguaño n’asturianu", amosando la poética d'autores en llingua asturiana na propia boca de los escritores.

El candasín Xurde Fernández va abrir esta actividá a les 19.30 hores nel Muséu Antón xunto con Texón y l'alumnáu de la Escuela de Música Miguel Barrosa. Darréu van pasar per Candás Roberto González-Quevedo (15 de febreru), Lourdes Álvarez (8 de marzu), Marta Mori (5 d’abril) y Xuan Bello (27 d’abril), pa completar el ciclu'l 28 d’abril con una xornada dedicada a los creadores mozos.

AdxuntuTamañu
Image icon Programación Antón de Marirreguera1.32 MB
Contador Estadistiques