Comienza la Vuelta a Asturies cola baxa de Raúl Alarcón

|
Cartelu LXI Vuelta a Asturies

L'últimu ganador de la ronda asturiana nun pudo tomar salida esti vienres n'Uviéu tres sufrir una cayida la selmana pasada.

El ciclista del W52-Porto dio la sopresa l'añu pasáu tres superar a grandes ciclistes como'l colombianu Nairo Quintana u Óscar Sevilla, que conformaron el podiu final de la Vuelta a Asturies. De los trés namái'l veteranu ciclista d'Ossa de Montiel va tornar a lluchar por un trunfu na xeneral, que yá se llevó na edición del 2006.

En total son 15 los equipos que participen nesta edición, la sesentena primera, que se presenta mui abierta, col Movistar como principal favoritu pese a que nun acude colos sos ciclistes principales. Al igual que l'añu pasáu, la carrera va componese de trés etapes, siendo la primera la que xune Uviéu con La Pola Ḷḷena.

Mañana la salida va ser en Soto Ribera p'acabar nel Altu L'Acebu, mentes que'l domingu va decidise la carrera ente Cangas del Narcea y Uviéu. Ye de destacar, a diferencia de la Vuelta a España, que la ronda asturiana sí respeta na so cartelería la toponimia oficial d'Asturies.

En direuto per TPA

La principal novedá d'esti añu ye que les cámares tornen al pelotón. Asina, la TPA va emitir en direuto'l final de cada etapa, con siguimientu especial tamién pela RPA.

Contador Estadistiques