Clausuróse la quinta edición de la Escuela de Branu d'Asturianía

Participaron 24 estudiantes procedentes de cases y centros asturianos de tol mundu.

Dende'l día 11 estes persones procedentes d'Arxentina (11), México (3), Chile (2), Cuba (2) y Venezuela (1), amás de cinco del restu del Estáu, vinieron recibiendo clases de percusión, cultura y llingua asturiana, sociedá y polítiques sociales venceyaes cola emigración nel Institutu Asturianu d'Alministración Pública Adolfo Posada, asitiáu n'Uviéu. Toos ellos correspuenden al segundu cursu de la quinta promoción de la Escuela de Branu d'Asturianía.

Na tarde d'ayeri clausuróse la edición d'esti añu nel Teatru Riera de Villaviciosa, actu que contó cola presencia de Guillermo Martínez, conseyeru de Presidencia y Participación Ciudadana, y Begoña Serrano, direutora xeneral d'Emigración y Cooperación al Desarrollu.