Cangas del Narcea yá ta preparada pa la Descarga

Van llanzase al rodiu de 80.000 voladores.

Esti llunes, día del Carme, celébrase en Cangas del Narcea la Descarga, ún de los acontecimientos más impautantes de los que se celebren n'Asturies. En poco más de 5 minutos 500 persones van llanzar unos 80.000 voladores nun festival de ruíu y pólvora.

A les 19.30 hores va ponese la misa solemne y a les 20 hores va comenzar la procesión. Nel momentu nel que la imaxe de la virxe quede nel centru de la ponte romana va entamase cola Descarga.

Darréu, dientro de la programación de les Fiestes del Carme y la Madalena, va tener llugar la segunda verbena coles orquestes Waykas y New York

Accidente mortal

La desgracia marca tamién esta edición d'estes populares fiestes tres la muerte ayeri de dos mozos de 21 años de la qu'acudíen a Cangas a trabayar a la Descarga tres un choque frontal nel corredor del Narcea. Tania Fernández, de Xixón, y Sergio Menéndez, de Tinéu, perdieron la vida al instante, mentes qu'hai otra xoven en situación crítica.