CaleyAvilés visita'l Parque Ferrera n'asturianu

Tercer salida guiada de la edición del 2017.

A les 16 hores va salir del Edificiu La Noria'l grupu de persones qu'acutaron plaza pa percorrer el Parque Ferrera en llingua asturiana y conocer detalles y llugares del mesmu desconocíos inclusive por munchos avilesinos y avilesines. Trátase de la tercer salida de la segunda edición de CaleyAvilés, tres la doble del xueves, Día de los Museos, al centru históricu y al Muséu de la Historia Urbana d'Avilés.

La siguiente va tener llugar el 21 de xunu y va tener como oxetu de visita'l Parque La Madalena, con salida a les 18 hores na entrada asitiada onde'l Colexu Públicu Enrique Alonso. P'apuntase pa esta actividá de baldre ye necesario contautar cola Estaya de la Llingua nel númberu de teléfono 985.54.55.08 o nel corréu electrónicu estayallingua@ayto-aviles.es, yá que'l númberu de places ta llendáu a 25 en cada salida.