Blanco dimite como conseyeru d'Emplegu, Industria y Turismu

Alega motivos personales y volverá a la universidá. Yera l'únicu miembru del Gobiernu que nun se posicionara a favor de Susana Díaz nes primaries del PSOE.

"Francisco Blanco Ángel (Gijón, 1969), consejero de Empleo, Industria y Turismo, ha decidido reincorporarse a su puesto de trabajo en la Universidad de Oviedo, en la que es profesor de Hacienda Pública. La dimisión se hará efectiva en los próximos días", anunció esta mañana l'Executivu, una decisión qu'obligó a retrasar una hora'l comienzu de la sesión plenaria de la Xunta Xeneral. Nuna nota, El Gobiernu esplica que Blanco yá comunicara al presidente Javier Fernández la so decisión hai dellos meses y que dambos acordaron nun facela efeutiva hasta que finaren les primaries del PSOE, que tuvieron llugar el domingu.

Blanco foi una de les persones que nun vieron con bonos güeyos la maniobra que llevó a Pedro Sánchez, ganador de diches primaries, a abandonar la secretaría xeneral del PSOE n'ochobre. Tamién foi l'únicu conseyeru que nun se posicionó a favor de Susana Díaz, la favorita de los dirixentes de la FSA, participando n'actos tanto de los partidarios de Patxi López como de los de Sánchez n'Asturies.

Semeya obra d'Armando Álvarez.