Baxen los casos nuevos de COVID-19, anque la cifra sigue siendo alta

El llunes rexistráronse 241 contaxos, con una tasa de positividá del 6,44 por cientu.

El vienres la pandemia de COVID-19 tocó techu n'Asturies, con 381 casos. Dende esa xornada, que coincidió col mesmu día nel que'l Gobiernu tomó midíes más drástiques tres superar per primer vegada la barrera de 300 el xueves (323), la cantidá ta baxando, anque sigue siendo cifres altes y esmolecedores: 288 el sábadu, 247 el domingu y 241 ayeri comunicaos por Salú a falta de la espublización de los datos oficiales.

Na xornada fixéronse 3.742 pruebes PCR, polo que la tasa de positividá asitióse nel 6,44 por cientu, superior al 5 por cientu que marca la Organización Mundial de la Salú (OMS) como llende pa tener controlada la pandemia. Nesti casu rexistróse un ascensu leve con respeuto al día anterior, cuando foi del 6,16 por cientu.

5 finaes

Hai que llamenta la muerte de cinco muyeres de 90, 89, 86, 83 y 80 años, una d'elles residente nun centru sociosanitariu. Tamién esmolez l'aumentu de les hospitalizaciones, con 60 ingresos por coronavirus SARS-CoV-2 en planta y 6 más en UCI, según comunicó la conseyería, que ponen el total d'hospitalizaos en 429 ente confirmados y sospechosos, a los qu'hai que sumar 53 pacientes en cuidaos intensivos.