Barbón rectifica y presenta candidatura pa liderar a la FSA nes eleiciones nacionales

|
Adrián Barbón

Salvo sorpresa d'última hora, nun va haber una segunda opción nes primaries socialistes.

El secretariu xeneral de la Federación Socialista Asturiana (FSA) va presentar la so candidatura pa liderar el partíu nes eleiciones a la Xunta Xeneral del añu qu'entra. L'apoyu que vien recibiendo dende diverses asamblees llocales y militancia llevó al llavianés a dar esti pasu, qu'anunció ayeri en Xixón, pese a que nun primer momentu, cuando algamó'l timón del partíu n'Asturies, dixera que nun diba ser él la persona qu'encabezara la llista.

Güei ábrese'l plazu pa la presentación de precandidatures, que se zarra mañana, cola previsión de que'l sector críticu de la formación, que remanaba la posibilidá de presentar a Guillermo Martínez Suárez, actual conseyeru de Presidencia y Participación Ciudadana, como alternativa a Barbón finalmente s'eche a un llau y nun plante batalla al secretariu xeneral. L'apoyu que tien l'ex alcalde de Llaviana ente les bases y la falta de tiempu, tres adelantar les primaries previstes pa la seronda a xunu por cuestiones táutiques tres delles conversaciones con Ferraz, dan pie a ello.

Contador Estadistiques