Barbón desplazóse a Madrid pa presenciar la sesión del Plenu d'Investidura de Sánchez

El yá presidente del Estáu recibió al llavianés na puerta del Congresu a la so llegada.

Adrián Barbón foi testigu dende les tribunes de públicu de la Cámara Baxa de la investidura de Pedro Sánchez como presidente del Estáu. El presidente asturianu desplazóse a Madrid y acompañóse d'otros dirixentes socialistes autonómicos.

El llavianés destacó al llegar al Congresu, onde foi recibíu pol propiu Sánchez, que la formación de Gobiernu en Madrid, "pa una comunidá como la de nueso, ye vital pa poder trabayar coldu a coldu, plantegar les nueses reivindicaciones y negociar”. Tamién consideró que l'Executivu estatal nuevu vien con una axenda cargada de cuestiones qu'interesen a Asturies, citando l'estatutu lletrointensivu y el fin de les infraestructures pendientes, y criticó'l "discursu cuasi guerracivilista" que se vio estos díes nel Parllamentu.

Na semeya, Barbón y Sánchez.