Barbón agradez al Instituto Cervantes la so "apertura al respetu a les otres llingües d'España"

El presidente asistió n'Avilés a la sesión de trabayu de la segunda xornada de la 'Reunión Anual de Directores' que la institución ta celebrando hasta'l miércoles n'Asturies.

Dirixéndose a los diferentes direutores de los centros del Instituto Cervantes presentes nel Centru Niemeyer, Adrián Barbón dio les "gracies polo que facéis na difusión de la nuestra cultura, la nuestra llingua; na tresmisión. Na apertura tamién al respetu de les otres llingües d'España". D'igual forma por decidise por Asturies pa celebrar esta cita per primer vez y animó a abrir una delegación nel país.

L'Auditoriu del espaciu avilesín va ser sede esta tarde, a les 19 hores, del actu d'entrega d'un llegáu personal del cantante Víctor Manuel al direutor del Cervantes, Luis García Montero, pa la 'Caja de las Letras' de la institución nel so llar en Madrid, que yá guarda material n'asturianu del Padre Galo. Darréu, el mierense va ufrir un conciertu acústicu.

Na semeya, Barbón; la reina d'España, Letizia; y Montero, nel actu celebráu esta mañana nel Niemeyer.