Bada recupera los instrumentos robaos

La Guardia Civil detuvo a dos persones, vecinos d'Avilés y Corvera.

Rubén Bada pudo recuperar la totalidá de los instrumentos robaos del so llar en Carreño nel mes de xineru aprovechando la so ausencia. La repercusión que tuvo'l socesu, con una difusión amplia per redes socialies, facilitó dar colos sos responsables al pretender vender los mesmos a un preciu más baxu del so valor.

Asina, la Guardia Civil pudo dar colos dos autores, un home d'Avilés y un mozu de Corvera que quedaron llibres tres prestar declaración a la espera de xuiciu. "Gracies infinites a la Policía Xudicial de Xixón por facelo tan bien y gracies infinites a toos pol apoyu constante. Nun lo damos de felicidá", espresó Bada na so cuenta personal de Facebook.