Asturies va poder afitar el so propiu calendariu de transición enerxética

|
María Berlamina Díaz y Isaac Pola

La Comisión Europa confirmó que nun va establecer nengún calendariu estructuráu de carauter xeneral pa la transición enerxética, polo qu’Asturies podrá afitar el propiu de so. El conseyeru Isaac Pola participa en Bruxeles nel alcuentru de la Plataforma de les Rexones Mineres en Transición.

El responsable d’Emplegu, Industria y Turismu aseguró güei dende la capital belga, onde acudió xunto cola direutora xeneral de Minería y Enerxía, María Belarmina Díaz, que “la Comisión Europea respeta la soberanía nacional en cuanto a la definición del mix de xeneración, en cuanto a la planificación d’esa transición enerxética”, amosando la so satisfaición por que “sía ordenada y planificida, y, sobre manera, adaptada a cada una de les rexones nel sentíu de que cada rexón tendrá que programar en función de la so posición de partida’l periodu de tiempu nel que se faiga esa transición y les midíes y pasos a siguir p’algamar la mesma”. D’esta forma, l’órganu comunitariu “nun va establecer un calendariu fixu, estracturáu de calter xeneral, pa toles rexones”.

41 territorios mineros de 12 estaos participen hasta mañana na primer sesión de los dos grupos de trabayu creaos pola Plataforma de les Rexones Mineres en Transición: ‘Economía postcarbón y tresformación estructural’ y ‘Ecoinnovación y teunoloxíes de carbón avanzaes’. Amás d’Asturies, tamién formen parte d’esta iniciativa otres comunidaes autónomes como Aragón, Castilla y Lleón, y Castilla-La Mancha.

D’igual forma, desplazóse a Bruxeles una representación del Institutu pa la Restructuración de la Minería del Carbón y Desarrollu Alministrativu de les Rexones Mineres, dependiente del Ministeriu d’Enerxía, Turismu y Axenda Dixital. Les reuniones próximes d’estos grupos de trabayu van tener llugar nos meses de xunu y ochobre.

Contador Estadistiques