Asturies amanez xelada nel día qu’abre la estación de Valgrande-Payares

Les xelaes marcaron la mañana n’Asturies, qu’alboreció con temperatures baxo ceru en gran parte de la so xeografía. L’ausencia d’agua, sicasí, va permitir disfrutar del monte y de la nieye cayida enantes de la llegada de la fola de fríu. Nesi sen, la estación d’esquí de Valgrande-Payares yá abrió les sos puertes.

A esceición de la mariña, onde les temperatures foron dalgo más sueves, los termómetros marcaron baxo cero en tol país. Uviéu amaneció vistíu de blancu, al igual que Mieres, Llangréu o Llugo. Mentes, nel cordal, el fríu foi estremu, llegando a los seis graos baxo cero en La Pola Somiedu.

Les xelaes van continuar nos díes próximos, al menos hasta’l miércoles, cuando ta previsto la llegada de lluvies y un aumentu de les mínimes. Ello va permitir a los asturianos y asturianes poder disfrutar del monte y de la nieve esta fin de selmana, con presencia del sol en tol país.

6 quilómetros de pista

Tres l’apertura de Fuentes de Invierno’l llunes, la ufierta pa la práutica del esquí n’Asturies complétase col aniciu güei de la temporada en Valgrande-Payares. Los aficionaos tienen disponibles 6 quilómetros de pista con espesores medios de cerca de mediu metru.