Arranquen les primeres agrupaciones llocales d'Iniciativa pol Asturianu

|
Agrupación de la cuenca'l Nalón d'Iniciativa pol Asturianu

Tienen como sede Uviéu y la cuenca'l Nalón.

La creación d'agrupaciones llocales foi una de les decisiones tomaes por Iniciativa pol Asturianu na Xunta Xeneral d'Asociaos celebrada nel 2017, cola fin d'ameyorar la so presencia nos conceyos. Xixón, Uviéu y la cuenca'l Nalón anunciáronse como les trés primeres que diben ponese a funcionar, tando yá en marcha les dos últimes.

Asina, la selmana pasada celebráronse reuniones pa trabayar sobre l'idioma nestos conceyos y afitar les bases d'estes agrupaciones. Nel casu de l'agrupación de Xixón, la previsión ye la de facer el primer axuntamientu ensiguida.

Dende Iniciativa pol Asturianu conviden a toles vecines y vecinos a participar nos conceyos próximos, pa lo que pueden contatutar cola entidá al traviés del corréu electrónicu contautu@iniciativapolasturianu.org o del télefonu 615.982.816.

Na semeya, un momentu del conceyu de l'agrupación de la cuenca'l Nalón.

Contador Estadistiques