Apellíos centenarios

En xunetu del 2016 cumpliéronse cien años de la incorporación de 'apellíos' a los conceyos de Tapia, Corvera y Muros.

La intención d'esta modificación nos nomes d'estos trés conceyos yera'l d'evitar confusiones con otros ayuntamientos del Estáu que teníen la mesma denominación, tal y como esplicamos n'Asturies.com nesta noticia. Asina, Tapia pasó a ser 'de Casariego', Corvera 'de Asturias' y Muros 'del Nalón'.

Estos díes, tres la espublización nel BOPA de la toponimia oficial nueva de Tapia, la tradicional, la villa perdía l'apellíu 'de Casariego' y dellos sectores amosaron la so querencia al nome creáu nel 1916, lo que provocó la reaición del alcalde Enrique Fernández Castelao, que señaló la so intención de soicitar al Gobiernu'l nun perder esi acompañamientu. Como datu, hai que recordar qu'esi 'Casariego' vien de la población tapiega de 'Casarego', nome de llugar agora oficial.