Anuláu'l Plan de Normalización Llingüística de Carreño

Un xulgáu de Xixón estima'l recursu presentáu por Abogacía del Estáu.

Esta sentencia súmase a la igualmente reciente del Tribunal Superior de Xusticia d'Asturies qu'anuló tamién el Plan de Normalización Llingüística de Carreño tres un recursu del Partido Popular (PP) llocal a una sentencia previa del xulgáu de lo Contencioso-Alministrativu númberu 1 de Gijón que caltenía que'l documentu carecía d'efeutos xurídicos. Agora esi mesmu xulgáu anula'l mesmu plan tres un recursu presentáu por Abogacía del Estáu al traviés de la Delegación del Gobiernu estatal n'Asturies, dictando lo contrario que na anterior ocasión.

El PP, con cuatro conceyales, ye l'únicu partíu que s'opunxo a l'aprobación del documentu nel Plenu de xineru del 2016. El PSOE (6 ediles), Somos Carreño (4) y Izquierda Xunida (3) votaron a favor del plan.