Andecha Astur afala a mirar al futuru nel homenaxe a Andrés Solar

La llectura de poemes del escritor por neños foi la parte más emotiva del actu.

Un piñu de militantes d'Andecha Astur y dellos ciudadanos acudieron el sábadu al actu n'alcordanza d'Andrés Solar celebráu nel cementeriu de Deva con motivu del trentenu tercer aniversariu de la muerta del escritor. Una neña y un neñu encargáronse de lleer dalgunos de los sos poemes nel llugar onde reposen los sos restos, pa depués proceder a un actu frente a la placa instalada na parte esterna del cementeriu pola organización nacionalista nel 2004.

Marcos Abel Fernández faló de la figura de Solar, mentes que Paulo Arboleya dio un discursu de tinte políticu. Asina, repasó l'actualidá y criticó a los que quinxeron ver en "sucursalismos progres" una posibilidá de trabayu, llamando a mirar al futuru y a articular alternatives polítiques asturianes dafechu.

Na semeya, un momentu de la intervención d'Arboleya.