Amplíense les frecuencies de les llinies d'autocar Xixón-Villaviciosa y Llanes-Uviéu

Van activase pa los sábados, domingos y festivos dende esti mesmu sábadu.

El Gobiernu refuercia la ufierta de tresporte públicu con frecuencies nueves en dos de les llinies xestionaes pol Consorciu de Tresportes d'Asturies (CTA). En concreto auméntese los servicios nes conexones Xixón-Villaviciosa y Llanes-Uviéu, con paraes en Ribeseya y Villaviciosa.

Na primera va haber seis salíes más, tres per sentíu, a les 7, 15 y 17 hores dende Xixon y a les 8, 16 y 18, dende Villaviciosa. Mentes, na que xune'l centru col oriente, va ampliase n'una, con partida a les 10 d'Uviéu y a les 12 de Llanes.