Ambás presenta ‘Bulita’, discu protagonizáu por Celestina 'Ca Sanchu'

|
Cartelu presentación de 'Bulita' Ambás y Celestina Sánchez

Trece temes componen el discu grabáu por nietu y güela, Xosé Antón Fernández 'Ambás' y Celestina Sánchez Fernández, amás d’un estra con dos pieces falaes. Ésti llámase ‘Bulita’ y preséntase esti vienres n’Ambás y Grau.

L’álbum trátase d’un recopilatoriu de cantares tradicionales que Celestina 'Ca Sanchu', de 94 años, foi recordando nos últimos años. D’ellos, once son inéditos, polo qu’Ambás decidió grabalos xunto cola so ‘bulita’ y editar un discu, el segundu d’esti calter tres l'espublizáu pol Muséu del Pueblu d'Asturies nel 2007. La presentación del mesmu va tener llugar esta tarde, con dos actos.

El primeru va celebrase n’Ambás a les 16.30 hores, en concreto énte Ca Sanchu, pa depués, a les 17.30 hores, entamar una danza. La segunda presentación, mentes, va treslladase a la Casa Cultura de Grau, eventu que va principiar a les 19 hores. En dambos llugares van tar a la venta exemplares de ‘Bulita’.

Contador Estadistiques