Álvarez Fernández yá tien aspirantes a socedelu nel Mac Crimmon

Va celebrase'l 6 d'agostu nel Festival Interceltique de Lorient.

Una vegada fináu'l Concurso y Muestra de Folclore 'Ciudad de Oviedo', que da plaza pal troféu qu'enfrenta n'An Oriant a gaiteros asturianos y gallegos, yá se conoz cuála va ser la representación del país. En concreto, los cuatro meyores del Memorial Remis Ovalle tienen el privilexu de viaxar Breizh, siendo'l ganador nesta ocasión l'uviedín Jesús Fernández González.

Completen la llista asturiana del Trophée Mac Crimmon pour Solistes de Gaita, Jorge Suárez Carvajal (El Berrón), Fernando Vázquez Cárcaba (Lieres) y Jaime Álvarez Fernández (La Fresneda). Toos ellos aspiren a soceder nel palmares a Álvaro Álvarez Fernández, ganador de les dos ediciones últimes.