Alsa faise colos autobuses de Lleón

La casa de la familia Cosmen sigue mercando otres empreses de tresporte. Tres les últimes inversiones en Marruecos, agora la mayor empresa de tresportes de capital asturianu ta pa facese con otra empresa en Lleón, onde anden en tratos cola concesionaria de tresporte urbanu Convauto pa facese colos autobuses de la capital. El Diario de León esplica los términos del alcuerdu, que vien a da-y más presencia a Alsa en Lleón dempués de qu'alquiriese en 1995 Empresa Fernández, que facía servicios interurbanos.

D'entós p'acá, la empresa asturiana puxó pol control de Convauto, buscando un mayor protagonismu nel tresporte lleonés, reclamándo-y al Conceyu qu'invalidare un alcuerdu pol que recuperaba antigües llínies urbanes de Fernández. Con Convauto yá en manes d'Alsa, qu'ufierta un plan de remocique d'autobuses por importe de 500 millones de pesetes, el Conceyu dará-yos otra concesión hasta'l 2.009. La empresa asturiana tamién anuncia que quier participar nel futuru consorciu de tresportes de Lleón.

Contador Estadistiques