Alonso llegó dir segundu n'Australia

Fernando Alonso entamó l'añu de la Fórmula 1 marcando puntos n'Australia tra d'una carrera en que llegó a dir segundu y en que rescampló la valía del asturianu al remontar hasta cinco puestos en menos d'ocho vueltes al circuitu d'Albert Park, protagonizando adelantamientos imposibles que levantaron de los asientos a los espectadores y aguantaron despiertos a los más de 400 aficionaos que vieron la carrera nel Auditoriu d'Uviéu énte la falta de tresmisión de TV. Alonso llegó a marchar segundu, pero la salida del coche de los xueces por un accidente neutralizó la carrera y cuando se volvió a la competición dos entrades a boxes retrasaron al asturianu, qu'entovía protagonizó otra remontada dende les últimes posiciones hasta llevar el Renault a la sétima final.