Alfonso Enríquez protagonizó la charra mensual d'Ástura

Faustino Zapico y David Guardado dieron la conferencia nel Atenéu Obreru de Xixón.

'El tiempu d'Alfonso Enríquez. Una revisión contestualizada d'un momentu decisivu na historia baxomedieval asturiana' foi'l nome de la charra que corrió a cargu del historiador y filólogu, de manera respeutiva. Nella contestualizaron el tiempu nel que vivió'l conde de Noreña, fíu illexítimu del primer rei Trastámara, Enrique II, nuna Europa na que se desendolcaba la Guerra los 100 años. Tamién repasaron los acontencimientos de la vida del hermanu del rei de Castilla Juan I y les sos intenciones de controlar toles tierres d'Asturies, asina como los detalles que se conocen de la so muerte orquestada en territoriu francés –naquel tiempu baxo dominiu inglés– por mandáu del so sobrín Enrique III, rei de Castilla.

Tres la charra hebo tiempu pa un turnu de preguntes ente'l públicu qu'acudió a la primer de la tercer temporada de conferencies de l'Asociación Cultural Ástura, toes de conteníu científicu y temática asturiana. La próxima, prevista pal 17 de payares, va centrase nes novedaes de la escavación del castiellu de Gauzón.

Na semeya, Guardado y Zapico.