Alderiques fai un especial en direuto de les eleiciones andaluces

|
Logu Alderiques

Fernando de la Fuente, direutor d'Asturies.com, va participar nesti programa que se va emitir al traviés de Facebook.

L'espaciu, un especial de cuatro hores presentáu pol periodista Inaciu Galán cola collaboración de Samuel Gradín, direutor de la canal, va contar cola presencia tamién de Próspero Morán, direutor d'Asturnews, y de persones de diferentes posicionamientos ideolóxicos como l'empresariu Inaciu Iglesias, la xurista Yolanda Huergo, l'historiador César Herrerías. Ye la primer vegada que se fai un apueste d'esti tipu: siguimientu d'una xornada eleutoral n'asturianu dafechu, a poco menos de mediu añu de delles xornaes eleutorales de gran importancia p'Asturies.

El programa va comenzar a les 20 hores y va emitise dende l'estudiu d'Alderiques en Xixón, onde los presentes van analizar los resultaos y les intervenciones de los principales líderes políticos andaluces. Otra manera, va haber un siguimientu de la xornada a lo llargo del día con delles conexones pa conocer la participación eleutoral.

Imaxe nueva

Alderiques d'Asturies entama asina una etapa nueva con imaxe corporativa anovada, simplificación del nome y plató nuevu. Un espaciu nel que van emitise especiales en direuto d'eventos d'importancia pa l'actualidá social y política, asina como les habituales entrevistes, reportaxes n'esteriores y alderiques de la canal.

Contador Estadistiques