Alderiques dedica un direuto al derbi

|
Alderiques derbi ida

Samuel Gradín, Míguel Fernandi y Pablo R. Guardado repiten en Twitch la esperiencia de la ida a dos díes del Sporting-Uviéu.

El sábadu a les 16.15 hores va echar a rodar el balón n'El Molinón nuna edición nueva del derbi asturianu. Un partíu al que los roxiblancos lleguen cola necesidá d'algamar la victoria cola que certificaría la permanencia y nel que los azules lleguen col enfotu de sumar el sestu trunfu siguíu y esperar un pinchazu del Albacete que-yos permita suañar.

El conductor del programa, Gradín, va contar pa esti especial sobre'l partíu qu'enfrenta a los dos principales equipos del país a los mesmos collaboradores que na ida: el comentarista de RPA, Fernandi, y el redautor d'esti mediu dixital, Rodríguez Guardado. Los usuarios de Twitch, plataforma a la que se pue tener accesu ensin falta de rexistru, van poder interactuar colos trés gracies a la ferramienta de chat dende les 19 hores d'esta tarde, cuando ta previsto l'entamu de la emisión en direuto.

L'espaciu va tar darréu disponible na canal d'Alderiques nesta plataforma y va xubise en parte a YouTube.

Debaxo, un cachu del direuto fechu pal partíu d'ida.

Contador Estadistiques