'Alcuentru con...' repasa los más de trenta años d'escolarización n'asturianu

Los convidaos son Xosé María García Fernández 'Llábana' y Esther Fonseca.

D'esta forma, los organizadores d'esti ciclu de charres que se celebren tolos meses nel xixonés Centru Municipal Integráu d'El Llano pretenden axuntar a dos xeneraciones de maestros: aquellos qu'empezaron nos primeros centros pilotos allá pol 1984, representaos por Llábana, y los más mozos, por Fonseca. La intención del eventu ye la de facer un percorríu polos más de 30 años d'escolarización n'asturianu y analizar la situación actual, na qu'entovía falta muncho pa que l'idioma tea normalizáu na escuela.

La charra, que lleva'l nome de 'Trés xeneraciones deprendiendo', va celebrase mañana dende les 19.30 hores nel salón d'actos. La entrada ye llibre.