Abiertu'l plazu pa votar a la ‘Meyor noticia pal asturianu en 2018’

Iniciativa pol Asturianu entama per quintu añu esta campaña qu'aumenta en númberu d'opciones, prueba "de cómo l’asturianu va ganando espacios y apoyos na sociedá".

En total, los usuarios que quieran participar nesta encuesta na rede van poder escoyer ente 37 noticies que los asociaos y asociaes d'Iniciativa pol Asturianu propunxeron, más del doble que l'añu pasáu, cuando se presentaron 16. Con esta iniciativa "pretendemos facer llegar a los asturianos y les asturianes delles bones noticies pal nuesu idioma y treslladar que l’asturianu va ganando presencia, normalidá y apoyu na sociedá. Realidaes como que 60 de los 78 conceyos tienen aprobada la toponimia tradicional, qu’un ex presidente d’España apoye per primer vegada la oficialidá del asturianu o que'l rector de la Universidá d’Uviéu eche una conferencia n’asturianu son una amuesa clara de qu’esta llingua tien futuru”, destaca Inaciu Galán, presidente d'Iniciativa pol Asturianu.

Hasta el día 13 va tar abiertu'l plazu de votaciones, mentes que'l día siguiente yá va dase anuncia de cuál ye la ‘Meyor noticia pal asturianu en 2018’ pa los usuarios. Pa participar nesta campaña ha de calcar nesti enllaz, cola posibilidá d'escoyer hasta 10 opciones.