'42.553: Depués de Buchenwald' yá va pela segunda edición

|
'42.553: Depués de Buchenwald' yá va pela segunda edición

Xuan Santori va compartir na so presentación y inauguración d'una esposición en Xixón, documentos nuevos sobre Vicent García atopaos na New York Public Library.

'42.553: Depués de Buchenwald', obra merecedora del XXIII Premiu Máximo Fuertes Acevedo d'ensayu, correspondiente al 2017, ta siendo un ésitu total, como amuesa que s'escosara la primer edición. Trabe yá tien preparada una segunda, que se va presentar estar tarde en Xixón, na Biblioteca Pública Municipal Alfonso Camín de Roces, a les 19 hores.

La historia sobre'l pasu de García, polesu del 1925 residente anguaño na población occitana de Periguers, pel campu de concentración de Buchenwald, asitiáu na redolada de la ciudá alemana de Weimar, llevantó un gran interés n'Asturies, con una cantidá importante de llibros vendíos y numberoses presentaciones feches por Santori per tola xeografía asturiana. Amás, esti ensayu sirvió pa dar a conocer la figura nel so país d'una persona considerada un héroe nel Estáu francés.

Na presentación de la segunda edición del llibru d'esta tarde, l'autor va aprovechar pa compartir documentos nuevos sobre García que s'atoparon recién na New York Public Library, considera como una de les biblioteques más importantes del mundu y la segunda en conteníos d'Estaos Xuníos depués de la del Congresu. L'actu tamién va servir pa inaugurar una esposición con materiales que sirvieron de documentación al trabayu que lleva nel nome el númberu qu'identificaba al polesu nel campu de concentración.

Contador Estadistiques