316 contaxos esti xueves, con una tasa de positividá del 7,09 por cientu

|

Son cifres inferiores a les del miércoles. Iguálase'l récor de muertes nuna xornada, 25, polo que yá son 802 les persones que perdieron la vida cola COVID-19.

A falta de conocer los datos oficiales, la Conseyería de Salú comunicó 316 contaxos ayeri, 139 menos que'l día anterior, cuando informó de 455. Sicasí, finalmente foron 452 los incorporaos a la serie por positivos previos duplicaos, lo que dexaba'l total en 20.320.

Na xornada fixéronse 5.749 pruebes PCR, polo que la tasa de positivá asitióse nun 7,09 por cientu. Esta cifra tamién ye inferior, yá que'l miércoles quedó en 7,3.

El númberu de finaos foi de 25, igualando la cifra más alta de tola pandemia nuna mesma xornada, que se dio'l domingu. Son 13 muyeres de 98, 95, 95, 91, 91, 91, 88, 88, 88, 80, 79, 63 y 55 años y doce homes de 90, 90, 88, 88, 86, 85, 83, 81, 76, 73 y 69, de los que diez teníen domiciliu en residencies de mayores.

Hai pacientes 841 pacientes ingresaos con confirmación o sospecha de COVID-19, amás d'otros 143 na UCI. Son 27 y 7 menos que'l miércoles.

Contador Estadistiques