"Arroz, agua y maíz" faise con un premiu al diseñu editorial

L'álbum ilustráu "Arroz, agua y maíz", compuestu pol testu col que Berta Piñán algamara'l premiu MªJosefa Canellada de Lliteratura Infantil y Xuvenil y les ilustraciones d'Elena Fernández, ta acabante de ser reconocíu con un diploma de los Premios Visual al diseñu editorial.

Concretamente'l diploma refierse a la categoría de "Diseñu de Llibru" siendo Esther Sánchez, socia fundadora de la editorial Pintar-Pintar, la responsable del diseñu del mesmu.
Los Premios Visual rescamplen los siete meyores diseños de llibros producíos n'España y Portugal, recibiendo yá la editorial asturiana Pintar-Pintar el Premiu Nacional al llibru infantil meyor editáu nel añu 2007 pol álbum "Cómo se hacen los libros", nesti casu nuna única versión en castellán.