Otegi niega qu'escribiere la carta de crítica a los que nun dexen la violencia

L'ex voceru de Batasuna, Arnaldo Otegi, negó escribir la carta publicada'l pasáu 22 d'avientu na que reivindicaba la política y criticaba a los que se resisten a dexar la violencia.

Nuna información publicada esti martes pol diariu Gara, afírmase qu'Otegi niega qu'escribir carta neguna nos términos que se dieron a conocer y que s'unviare dende la prisión de Soto del Real (Madrid), onde cumple condena, a otru presu de la cárcel de Zuera, en Zaragoza.

Otegi comunicó la pasada selmana a la so abogada, Jone Gorizelaia, qu'escribiere delles cartes dende la cárcel, pero "nenguna d'elles con esti conteníu". Na carta publicada, recoyíase, ente otres cuestiones, qu'Otegi considera que los que nun apoyen los conteníos del documentu d'Altsasua "nun tán nos sos cabales o trabayen pal enemigu".
  
Poro, la so abogada ta preparando una denuncia que se presentará ante los tribunales contra los medios que dieron a conocer esa carta, a los que, probablemente, se pidirá qu'aporten la causa de la carta.