Convóquense dos nueves actividaes de formación pal profesoráu d'asturianu

Los Centros pal Profesoráu d'Avilés y Xixón tienen yá convocaes dos actividaes empobinaes d'un mou específicu a los docentes de Llingua Asturiana.
Per un llau el Centru del Profesoráu y de Recursos (CPR) de Xixón ufierta'l cursu "Estratexes pal deprendimientu de la Llingua Asturiana y la Lliteratura" con un total de trenta hores de duración convalidables con tres créditos de formación. El cursu, qu'entamará'l próximu 4 de payares, ta coordináu por Carlos Lomas y será impartíu polos profesores d'asturianu na Enseñanza Secundaria Xurde Fernández y Marián García.
D'otra manera'l Centru del Profesoráu y de Recursos (CPR) d'Avilés convoca'l cursu "Competencia dixital na enseñanza de la Llingua Asturiana", actividá qu'abordará la creación de blogues educativos o'l diseñu d'actividaes multimedia pa les clases d'asturianu. Nesti casu l'actividá de formación tien un llargor de venti hores qu'entamen el próximu 10 de payares.