"Les coses que-y presten a Fran" gana'l Premiu de la Crítica d'Asturies

L'Asociación d'Escritores d'Asturies entregó esti xueves ocho d'ochobre nel Centru de Cultura Caxastur d'Uviéu los sos premios de la Crítica a les meyores obres del pasáu añu 2008. Nesta décima edición de los galardonaos na modalidá de Lliteratura Infantil y Xuvenil fueron Berta Piñán por "Les coses que-y presten a Fran" como meyor llibru n'asturianu y Miguel Rojo por "El viaje de Tin y Ton" como meyor llibru en castellán. Dicir qu'esti últimu tien una edición billingüe polo que tamién ye posible disfrutar d'él en llingua asturiana.
El primer de los álbunes "Les coses que-y presten a Fran", espublizáu por Ediciones Trabe, trata de les diferentes maneres de sentir y vivir d'una neña que forma parte d'una familia especial y qu'apaez imaxináu poles ilustraciones de Lucía Bande. D'otra manera "El Viaxe de Tin y Ton", editáu por Pintar-Pintar, aborda la divertida historia de dos pulgues enfotaes en cambiar la so condición social. Nesti casu les ilustraciones son de María Díaz.