L'iviernu tamién ye tiempu de mázcares

Por estes feches celebramos delles festividaes: la navidá, el fin d'añu, la nueche de reis... por embargu nun hai muncha xente que conoza dalgunes de les costumes más vieyes que tenemos n'Asturies en rellación col solsticiu d'iviernu, ye dicir, el pasu de los díes curtios y escuros, a los díes llargos y lluminosos.
Nun ye raro que pa los pueblos antiguos estos supunxera un momentu únicu que tenía de festexase pente medies de mazcaraes, representaciones y ritos. Anque esta costume ta prauticamente desaniciada n'Asturies, queremos que conozas daqué más de los personaxes qu'inda visten les sos mázcares pa despedir al iviernu. ¡Consulta los Reportaxes y verás!