Preséntase la "Biblioteca Virtual MªJosefa Canellada"

Esti vienres 12 de xunu a les 19.00 hores l'edificiu del Antiguu Insitutu de Xixón acoyerá la presentación de la "Biblioteca Virtual MªJosefa Canellada", una ferramienta de consulta de referencia pal ámbitu de la Lliteratura Infantil y Xuvenil n'asturianu.
 
El proyectu, puestu en marcha pola especialista en Filoloxía Asturiana Mar Martín Martín, compónse d'un archivu documental formáu por fonoteca, vidiuteca, galería de trabayos d'ilustración o catálogu d'obres y autores, ente otros recursos. Na presentación tará presente, amás de la propia Martín, Alonso Zamora Canellada, fíu de la escritora MªXosefa Canellada y Alonso Zamora Vicente.