Llangréu entama una campaña de normalización del asturianu na hostelería

"Esther Díaz, Alcaldesa de Llangréu, y Luis González Bada, Conceyal Delegáu de Política Llingüística presentaron esti xueves en Llangréu la campaña ""Equí tas en casa"" una campaña empobinada al sector hosteleru del conceyu. y que pretende normalizar l'usu del asturianu faciéndolu visible nos comercios al traviés de material de diversu tipu pa que restoranes, hoteles, cases rurales, sidreríes, cafeterías, chigres, o centros sociales puean usar l'asturianu na rellación colos sos veceros.

La campaña plantéase fomentar el consumu nel sector hosteleru del Conceyu de Llangréu respaldando l'actividá de los hosteleros de Llangréu al traviés del usu de a llingua asturiana como reclamu publicitariu ""que casa mui bien cola idea de cercanía y tratu personalizáu"". La campaña ufierta instrumentos útiles pa l'asturianización del sector, asitiándose dientro d'un procesu más ampliu de modernización d'esti y d'incrementu de la calidá na atención al cliente.

Otru de los oxetivos de la campaña pasa por que la hostelería del conceyu se convierta n'axente dinamizador de la Llingua Asturiana, ""eforzándola y espardiéndola, dando seguridá y información clara"". L'asturianu ye, pa los responsables de la campaña, ""una muestra de la personalidá de los nuestros servicios"" amás d'una ""ventaya competitiva, un valir añadíu pa los nuestros bares restoranes, cafeteríes y sidreríes"".

La llingua asturiana ye una seña d'identidá propia de gran interés pa turistes y visitantes y sobre too pa la xente del conceyu, presentándose como un valor de proximidá y d'apreciu polo propio, y sobre manera supón una meyora na calidá de los servicios al garantizar que los/les clientes seyan atendíos na so llingua.

Los hosteleros y hosteleres de Llangréu que quieran participar de la campaña van beneficiase de materiales como pegatines y carpetes cola imaxe identificativa de la campaña, mantelos individuales con testos informativo-divulgativos de la llingua asturiana o xuegos amás de rótulos identificativos pa les puertes y meses colos clásicos ""Acutao, homes/ muyeres o abierto /pesllao"" una retulación a la qu'hai qu'amestar los distintivos pa l'aplicación de la nueva llei del tabacu. El serviciu de normalización, d'otra manera, ofrezse a los hosteleros p'ayudalos nla creación personalizada de platos y menús en llingua asturiana.

El coste de la campaña, diseñada en collaboración cúbrelu l'Ayuntamientu de Llangréu en collaboración cola Rede de Normalización Llingüística nos Conceyos y va ponese en marcha, amás d'en Llangréu, nos conceyos y mancomunidaes de Xixón, L.lena, Mancomunidá del Cabu Peñes, Siero, Avilés, Samartín del Rei Aurelio, Mieres, Cangas del Narcea y Mancomunidá de la Sidra.

La presentación d'esta campaña produzse una selmana dempués de que Llangréu echare a andar otra inciativa de normalización, la campaña ""Afayáivos en Casa"" qu'apurre materiales n'asturianu pa rapacinos de 0 a 3 años. Los materiales d'esta campaña tá cuasimente escosaos dempués d'una selmana, amosando l'alta aceptación de la mesma.La presentación d'esta campaña produzse una selmana dempués de que Llangréu echare a andar otra inciativa de normalización, la campaña ""Afayáivos en Casa"" qu'apurre materiales n'asturianu pa rapacinos de 0 a 3 años. Los materiales d'esta campaña tá cuasimente escosaos dempués d'una selmana, amosando l'alta aceptación de la mesma."