Carmen Gómez Ojea planta otru "Arbolín" pa la LLIX n'asturianu

La conocida escritora asturiana Carmen Gómez Ojea acaba asoleyar un nuevu álbum ilustráu n'asturianu baxo'l títulu "Arbolín". El cuentu ye una historia d’amistá ente una neña, Queti, y un árbol, Arbolín, que s'alcuentren nun parque.
Queti camienta que l'árbol pue ser una fada de pelo verde, convertida por un bruxu n’árbol, pese a qu'a lo último, descubrirá la verdá. 
Al textu de Carmen Gómez Ojea, editáu por Pintar-Pintar en castellán y asturianu, acompáñenlu les ilustraciones de Blanca Prendes.
La escritora xixonesa, Premiu Nadal nel añu 1981 cola novela "Cántiga de Agüero", estrenóse na lliteratura infantil n'asturianu con "El nome de Roselina" (Editorial Trabe). Dende entós p'acá bien amosando'l so respetu hacia la llingua asturiana con delles publicaciones más, amás de la so participación en campañes de vindicación de los derechos llingüísticos n'Asturies.