Skip to content

L’Arribada concede’l VI Premiu Timón a Antón García

Xunu 5, 2012 por Pablo R. Guardado

El VI Premiu Timón p’autores en llingua asturiana y n’eonaviego, que concede l’Asociación Cultural L’Arribada, foi p’Antón García. L’escritor tinetense va recibir el gallardón nel mes de setiembre na celebración de L’Arribada 2012.
 
El xuráu aconceyáu ayeri en Xixón y formáu Alberto Álvarez Peña, Carlos Espina, Vicente García Oliva, Aurora García Rivas y Humberto Gonzali, decidió homenaxear asina la trayeutoria de García, escritor, traductor, críticu y fundador de les editoriales Trabe y Tsibros de Frou. Na so producción lliteraria destaquen los títulos de narrativa ‘El Viaxe’ (1987), ‘El pelegrín valiente’ (1993) y ‘Díes de muncho’ (1998); los poemarios ‘Estoriu’ (1984), ‘Los díes repetíos’ (1989), ‘Venti poemes’ (1998) y ‘La mirada aliella’ (2007); les traducciones ‘Memoria d’outru ríu’ (1985) y ‘Contra la oscuridá’ (1988)’, d’Eugenio de Andrade, ‘Cuentatrapos’, de Víctor Carbajal (1989) o ‘Los otros feriantes’, d’Álvaro Cunqueiro (1999); asina como, ente otros, los estudios y ediciones ‘La Xudit’, de Xuan González Villar (1990), ‘El cuentu asturianu (1860-1936)’ (1992), ‘El cuentu asturianu tres la guerra’ (1998), ‘Lliteratura asturiana nel tiempu’ (1993), ‘Poesía asturiana y traducciones. Fernán Coronas’ (1993), ‘Cartes a la catedral d’Uviéu y otros poemes’, d’Ángeles López Cuesta (1994), ‘Obra Poética. Xuan María Acebal’ (1995) y ‘Obra Asturiana. Marcos del Torniello’ (1996).
 
El Premiu Timón nació nel 2007 pa premiar la trayeutoria d’autores asturianos qu’escribieren en llingua asturiana o eonaviegu. Asina, dende ese primer añu, nel que recibió’l gallardón Nené Losada Rico, tuvieron l’honor de recibir esti homenaxe Xuan Xosé Sánchez Vicente, Manuel García ‘El Galano’, Roberto González-Quevedo y Vicente García Oliva. Nesta sesta edición del Timón aspiraben al premiu, que consiste nuna obra del escultor y ceramista xixonés Jesús

Comparte...