Edítase l'álbum ilustráu "Menú de Versos"

La escritora Esther García vuelve a collaborar cola editorial asturiana Pintar-Pintar pa presentanos esti guapu álbum ilustráu que lleva'l títulu de "Menú de Versos". En "A la gueta los suaños tuvimos la oportunidá d'entrevistar a l'autora, asina como al ilustrador, Borja Sauras. Pues consultar lo que nos cuntaron na estaya d'entrevistes.
Diz Esther García que de neña inventabaplatos con yerbatos y flores, con pebides, farina y lluribagues d’un lloréu que medra xunto a la so casa de La Degol.lada (Valdés).  A lo meyor foi esto lo que la llevó a componer esti menú empobináu a los neños y neñes bonos comedores, que va acompañáu por unes prestoses ilustraciones de Borja Sauras, ilustrador que yá nos sorprendiera col so trabayu nel llibru "¿De qué tará fecha la lluna?" de Miguel Rojo.