Les Xornaes VientoSur van poner el capitalismu a debate

La crisis capitalista y les alternatives a esti modelu económicu van ponese a debate coles Primeres Xornaes VientoSur. Sindicalistes, abogaos, trabayadores y activistes van falar d’esto ente’l 15 y 17 de setiembre nel Ateneu Obreru de Xixón.

Baxo’l títulu “Crisis: resistencies y alternatives” van celebrase estes xornaes que van llevar los díes 15, 16 y 17 d’esti mes, a les 19.30 y nel Atenéu Obreru de Xixón, l’alderique sobre les consecuencies de la crisis nel Estáu Español.

El miércoles 15 la mesa redonda ta centrada nos recortes económicos, de derechos llaborales y sindicales. El xueves 16 se van tratar les otres cares de la mesma crisis, mentantu que’l vienres 17 se van plantear alternatives na mesa redonda entitulada “¿Qué izquierda queremos construir?”.

Nes meses redondes van participar, ente otros, Cándido G. Carnero, sindicalista de la CSI; Primi Abella, economista y sindicalista; Paco Ramos d’Ecoloxistes n’Acción; Jaime Pastor, miembru del conseyu de redacción de VientoSur y d’Izquierda Anticapitalista; y Verónica Rodríguez de la Fundación Andreu Nin-Asturies.

Presentación de Diagonal-Asturies
Otramiente, el vienres 17 dempués del alderique va presentase l’últimu númberu del periódicu trimestral Diagonal-Asturies. Amás, va sortease una suscripción anual a la revista VientoSur.