"A la gueta los suaños" tamién estrena imaxen y conteníos

L'apartáu qu'Asturies.com dedica al públicu más mozu, "A la gueta los suaños", tamién cambia de cara.Como sabeis esta revista dixital ye un espaciu na rede que quier valir de puntu d'alcuentru pa la reciella asturiana que vive n'asturianu. Tratando los temes que más puen interesa-yos: la so cultura, la educación o la lliteratura infantil y xuvenil. Pa ello tenemos el propósitu de facer de la revista un llugar más atractivu y dinámicu, con noticies que s'actualicen toles selmanes y la posibilidá de siguir histories, participar en xuegos o consultar les últimes novedaes de la Lliteratura pa neños y neñes na nuestra Biblioteca.
Esti mes comentamos novedaes editoriales como "Nosotros, los pexes" de Miguel Solís Santos; facémos-yos una entrevista a los ganadores del premiu de la crítica a la meyor obra de Lliteratura Infantil y Xuvenil del pasáu añu; averámonos a les tradiciones asturianes venceyaes al solsticiu d'iviernu y, sobre manera, entamamos esti nuevu camín na historia de "A la gueta los suaños" col enfotu de ser un referente dientro del espaciu educativu y lliterariu n'asturianu.