El Bloque solicita constituyise como Grupu Mistu
|
14 Xunetu, 2010 por E.P. / Redacción
- Inicie sesión o rexístrese pa espublizar comentarios
El Bloque por Asturies solicitó constituyise como Grupu Mistu na Xunta Xeneral. La formación cunta cola representación del diputáu Roberto Colunga, que votó en contra de la Llei d'Axuste.
El Bloque presentó la solicitú esti martes anque pel momentu desconoz los tiempos y procesos de la tramitación. Esta decisión súmase al anunciu fechu la pasada selmana de salir del Gobiernu del Principáu tres el desencuentru colos otros partíos de la coalición IX y Los Verdes en relación a la Llei, especialmente no relativu a la baxada de sueldos de los emplegaos públicos.
La Direición Nacional del Bloque por Asturies caltuvo esta mañana una xunta nel so local d'Uviéu pa falar d’estes midíes. Coles mesmes, ta previstu que mañana xueves la formación aconceye con IX y Los Verdes p'analizar el futuru de la so coalición. "va analizase cómo queda la coalición, o si esiste yá o non", esplicaron.
Efrén d'Andrés
Comentarios
N'asturianu, un "mistu" ye una "cerilla". Si se quier facer referencia a dalgo "mecío", l'axetivu ye mestu. De la mesma familia son amestar, amiestu, mesturar, mestura, amestadura, ... Poro, o s'emplega'l cultismu mixtu (Grupu Mixtu) o'l patrimonial mestu (Grupu Mestu).
Un saludu.
Lo de siempre, tamos cerca les elecciones y hai que tener les distancies
Gabis
¿ Qué-yos pasa a la derecha bablista que tán poniéndose ñerviosos?
Yo debe ser que soi del xéneru optimista, pero paezme que per parte'l Bloque ye un pasu valiente. Eso sí, si nun queda namás que nun pasu.
Agora tendríen qu'entamar a falar con otres fuerces polítiques asturianes pa facer una candidatura potente de cara al 2011. Eso, si se fae bien, sí podría dole-y a la FSA, al PP y a IX (tocáu y fundíu). Y digo que fai falta valentía porque pue nun salir bien, y ye verdá que ye más cenciello de cara a la sobrevivencia política tar de la manina de les fuerces estatales, pero yo soi de los que opinen (será polo del optimismu que dicía nun entamu) que pue facese y amás ye'l momentu de facelo.
Un saludu.