Entréguense los premios del concursu "Ruempi la Mollera"

La Oficina Municipal de la Llingua de Xixón da anuncia de la entrega de premios del concursu "Ruempi la mollera", iniciativa na que participen dende fai yá cuatro ediciones los alumnos y alumnes de quintu y sestu d'Educación Primaria de Xixón.

Nel actu, que tendrá llugar el llunes 7 de xunu a les 12.00 hores nel Salón d'Actos del Centru de Cultura Antiguu Institutu, van a dase a conocer los ganadores d'esti concursu nel que participaron doce centros escolares del conceyu: C.P. Alfonso Camín, C.P. Asturias, C.P. Atalía, C.P. Evaristo Valle, C.P. Jacinto Benavente, C.P. Julián Gómez Elisburu, C.P. Manuel Martínez Blanco, C.P.Noega, C.P. Príncipe de Asturias, C.P. Santa Olaya, C.P. Tremañes y C.P. Xove.
La Oficina de la Llingua anuncia amás la participación nel actu del grupu de teatru "Nun tris" qu'animará la entrega con sorpreses y bon humor. Asina mesmo inaguraráse la esposición de los trabayos que formaron parte d'esta cuarta convocatoria.
El concursu "Ruempi la mollera" platégase como una manera d'averar al alumnáu de Xixón cola cultura, los personaxes y la historia del conceyu. Asina los alumnos y alumnes reciben cuatro preguntes añales que tienen de dir respondiendo pente medies de trabayos d'investigación escritos, naturalmente, n'asturianu. Asina nesta cuarta edición los mozos y moces participantes deprendieron coses prestoses sobre la cai Corrida, les ciudaes hermanes de Xixón, la vieya pescadería o el diariu El Comercio.