El Sporting llucirá'l topónimu 'Xixón' la temporada que vien

El Real Sporting de Xixón llevará la próxima temporada'l topónimu Xixón nel pantalón de la primer equipación. Asina lo establez el nuevu contratu de patrociniu col Ayuntamientu.

Según esplicaron fontes del Grupu d'Izquierda Unida nel Conceyu, formación encargada de la conceyalía de Llingua Asturiana, l'acuerdu inclúi que los nuevos pantalones azules lleven el términu, aspectu al que'l Club nun presentare nengún problema. Na camiseta, sicasí, siguirá figurando la forma castellana, Gijón.
  
De fechu, la intención yera que yá nel momentu de la firma de la renovación se punxere'l nuevu topónimu na indumentaria roxiblanca, pero la Federación nun permite realizar estos cambios en metá de temporada.
 
Sporting de Gijón na camiseta, Sporting de Xixón nel pantalón