D'Andrés diz que nun cumplir cola toponimia ye illegal

Pa Ramón d’Andrés, l’usu de la topinimía nun ye una cuestión de derechos, “ye una cuestión llegal, el fechu de que se refiera al asturianu podríemos consideralo secundario o irrelevante”.

El profesor de la Universidá d’Uviéu y ex direutor de la Oficina de Política Llingüística pública un artículu n’Asturies.com onde da la so opinión sobre’l casu del ciudadanu de Xixón qu’al renovar el DNI nun-y pemitieron que se-y punxere'l nome oficial ‘Gijón / Xixón’ y presentó una reclamación.

Pal filólogu, que yera l’encargáu de la política llingüística del Principáu cuando se constituyó la Xunta de Toponimia, el ciudadanu interesáu plantea la cuestión del DNI como falante d'asturianu que ve conculcáu un derechu, “y tien tola razón en plantealo asina, pero lo cierto ye que lo qu'hai un incumplimientu de la llei, y dende un puntu de vista técnicu que se refiera al asturianu podríemos consideralo secundario o irrelevante”.

Ramón d’Andrés diz que con actuaciones asina, ta en cuestión la Llei y el so cumplimientu “y la Llei ta pa cumplise”. Afirma tamién que l'aplicación d'una normativa llegal nueva non siempre pue ser automática, pero que si ye'l propiu ciudadanu'l que reclama que se cumpla la llegalidá, “lo normal ye disculpase y da-y al ciudadanu garantíes de cuándo y cómo esa llegalidá va cumplise”.

Pues lleer l’artículu equí.