"Grupu Epona" tien llibru nuevu

L'Asociación "Grupu Epona" acaba dar anuncia de la edición del llibru "Cuentos prestosos escritos por escolinos y escolines", resultáu del trabayu desarrolláu pola asociación en diferentes escueles asturianes pente medies de talleres lliterarios y cuentacuentos.

Asina l'asociación quier facer con esta publicación "un homenaxe a los escolinos y a los docentes de llingua asturiana, porque ensin ellos nun fuere posible esti trabayu" al tiempu qu'amuesen "el trabayu que se fae nes Escueles dende l'asignatura d'asturianu pesie tolos pilancos que-yos ponen a los 
mayestros/es".
D'otru llau Grupu Epona recuerda que na so páxina web tán a disposición de los rapacinos y rapacines diferentes cuentos en formatu dixital, ufiertando asina la posibilidá de "conocer la lliteratura n'asturianu d'una manera rápida, cómoda y cenciella". Concretamente trátase d'un total de siete cuentos, ilustraos por diferentes dibuxantes, que l'asociación yá sacara nuna edición presentada sol títulu "Cuentos pa que suañes"